Deepthi:
షిరిడీ వాసా సాయి ప్రభో 

జగతికి మూలం నీవె ప్రభో 

దత్త దిగంబర అవతారం 

నీలో సృష్టి వ్యవహారం 

త్రిమూర్తి రూపా ఓ సాయి 

కరుణించి మము కాపాడోయి

దరిశన మీయగ రావయ్యా 

ముక్తికి మార్గం చూపుమయా ||షిరిడీ||

కఫినీ వస్త్రము ధరియించి 

భుజముకు జోలి తగిలించి 

నింబ వృక్షపు ఛాయలలో

ఫకీరు వేషపు ధారణలో 

కలియుగ మందున వెలసితివి 

త్యాగం, సహనం నేర్పితివి

షిరిడీ గ్రామం నీ వాసం 

భక్తుల మదిలో నీ రూపం ||షిరిడీ||

చాంద్ పాటిల్ ను కలుసుకొని 

ఆతని బాధను తెలుసుకొని 

గుఱ్ఱము జాడ తెలిపితివి 

పాటిల్ బాధను తీర్చితివి 

వెలిగించావు జ్యోతులను 

నీవుపయోగించీ జలము 

అచ్చెరు వొందెను ఆ గ్రామం 

చూసి వింతైనా దృశ్యం ||షిరిడీ||

బాయిజా చేసెను నీ సేవ 

ప్రతిఫల మిచ్చావో దేవా

నీ ఆయువును బదులిచ్చి 

తాత్యాను నీవు బ్రతికించి 

పశుపక్షులను ప్రేమించి 

ప్రేమతో వాటిని లాలించి 

జీవులపైన మమకారం 

చిత్రమయా నీ వ్యవహారం ||షిరిడీ||

నీ ద్వారములో నిలిచితిమి 

నిన్నే నిత్యము కొలిచితిమి 

అభయము నిచ్చి బ్రోవుమయా 

ఓ షిరిడీశా దయామయా 

ధన్యము ద్వారక ఓ మాయీ 

నీలో నిలిచెను శ్రీసాయి 

నీ ధుని మంటల వేడిమికి 

పాపము పోవును తాకిడికి ||షిరిడీ||

ప్రళయకాలము ఆపితివి

భక్తులను నీవు బ్రోచితివి 

చేసి మహమ్మరీ నాశనము 

కాపాడి షిరిడీ గ్రామము 

అగ్ని హోత్రి శాస్త్రికి 

లీలా మహాత్యం చూపించి 

శ్యామాను బ్రతికించితివి 

పాము విషము తొలగించి ||షిరిడీ||

||షిరిడీ||||షిరిడీ||||షిరిడీ||||షిరిడీ||||షిరిడీ||||షిరిడీ||||షిరిడీ||||షిరిడీ||